ESPERIENTZIAK

Zaintzaren inguruan politika pribatua egitea ekimen aitzindaria da; batik bat, bizimodu sozialaren alderdietan ezkutatuen dagoenaren inguruan ekitea delako: etxeko lanaren, lan erreproduktiboaren eta zaintzaren egungo antolamendua.

Pertsonen zaintzari eta erreprodukzioari loturiko zereginak gaur egun gure jendartean nola ebazten ditugun gauza ezkutua da oraindik; eta sexu, jatorri eta klase sozialagatiko desberdintasun eta diskriminazio sexual handiena eragiten duen bizimodu sozial eta ekonomikoko alderdia da.

Zaintzaren demokratizazioari laguntzeko gobernuaren Neurriak (2017-2020) izaera eraldatzailea eta feminista du. Bartzelonako Udaleko Feminismoak eta LGTBI, Eskubide Soziala eta Osasuna udal arloek gidatu eta Ekonomia Kooperatiboa, Soziala eta Solidarioa eta Kontsumoaren inguruko Komisarioak bultzaturiko ekimenak.

Emakumeek etxe barruan eta familietan bizitzari eta gizartearen ongizateari eusteko egindako ekarpenak aintzat hartuko dituen sentsibilizazio kanpainari ekiteaz gain zaintzaren ardura modu ekitatiboan banatzera bideraturiko jarduerak ere zabaldu nahi dituzte neurri honekin, Bartzelona benetako hiri zaindari bihurtzeko.

Neurri honek 68 jarduera ditu, eta honako helburu hauek lortu nahi ditu epe ertain eta luzean:

• Zaintza sozialki antolatzeko modu eraldatzailea bultzatzea.
• Hiriaren bizimodu sozioekonomikoaren alderdi nagusi den aldetik, zaintza ikusaraztea eta nabarmentzea.
• Eragile sozialen erantzunkidetasuna sustatzea, zaintza duin eta kalitatekoa jasotzeko eta sustatzeko eskubidea bermatzeko.
• Zaintza jasotzeko eta emateko egungo ereduaren ezaugarri diren desberdintasun sozialak eta genero-desberdintasunak murriztea.

Zaintzari buruzko agenda politiko feminista

Zaintzaren ekonomia hirian bultzatzea ikuspegi nabarmen feminista batetik, zalantzarik gabe, mugarri garrantzitsua da. Zaintza berrantolatzeko eredu bidezkoagoa taxutzea esan nahi du; hau da, eredu zuzenagoa eta zaintza jasotzen duten pertsonen eta zaintza ematen duten pertsonen eskubideak bermatzeko gai izango dena.

Gobernu neurri honekin, pertsonen zaintza antolatzeko modua bidezko eta zuzenagoa izatea lortu nahi dugu, eta, aldi berean, eraldatzailea izango den pertsonen zaintzari buruzko politika publikoa gauzatzeko ekintza zehatzak eta ezinbesteko tresnak definitu.

Barcelona Cuida espazioa.

Barcelona Cuida zaintzaren inguruan hirian dauden baliabide guztiak ikusarazi eta mundu guztiaren eskura jarri nahi dituen zentro aitzindaria da. Erreferentzia-espazio izan nahi du, herritarrei lurraldeko zerbitzu eta baliabideei buruzko informazioa emateko, eta trukea eta sareko lana bultzatzeko.

Zentroak honako helburu hauek ditu:

• Lurraldean dauden baliabideei buruzko informazio eta orientazio integralerako gunea izatea.
• Hirian, zaintzaren protagonista diren pertsona guztientzat topagune eta harremanetarako lekua izatea.
• Pertsonen, profesionalen eta erakundeen arteko koordinazioa eta sareko lana gauzatzeko espazioa izatea.
• Zaintzaren inguruko informazio hedapenerako eta herritarren sentsibilizaziorako zentro izatea.

Eta ekipamendu hori, zergatik?

Pertsonen zaintza oso kontzeptu zabala da, eta eremu pribatu zein publikoan, pertsona baten edo gehiagoren beharrizan fisiko, psikologiko eta emozionalei erantzuteko egindako jarduera guztiak hartzen ditu barruan; baina beste ezer baino gehiago, zaintzea pertsona batzuek beste pertsona batzuentzat egiten duten jarduera bat da.

Hori dela eta, zaintza-lana hiriko hainbat programa, ekintza eta ekipamendutan agertzen da eta lan hori eskaintzeko eta jasotzeko inplikaturik dauden pertsonak askotarikoak dira.

Honako esteka honetan deskarga daiteke neurri osoa: http://ajuntament.barcelona.cat/tempsicures/sites/default/files/mg_para_la_democratizacion_de_los_cuidados.pdf